શેરબજારે શૉક આપ્યો તો સોના ચાંદીએ આપી સરપ્રાઈઝ: સોનાનો ભાવમાં મોટો ઘટાડો

નવી દિલ્હી, 7 એપ્રિલ. 2025: આંતરરાષ્ટ્રીય બજારોમાં નબળા વલણ વચ્ચે, દેશમાં પણ સોનાના ભાવમાં ઘટાડો થયો છે. અમેરિકાના રાષ્ટ્રપતિ ડોનાલ્ડ ટ્રમ્પે અનેક દેશો પર પારસ્પરિક ટેરિફ લાદ્યા બાદ સુરક્ષિત રોકાણોની માંગમાં ઘટાડો થવાને કારણે સોનાના ભાવમાં ઘટાડો થયો હતો. સોનાના ભાવમાં 2000 રૂપિયા જેટલો ઘટાડો જોવા મળ્યો છે. જ્યારે ચાંદીના ભાવમાં 9000 રૂપિયા જેટલો ઘટાડો નોંધાયો છે. તેથી સોના-ચાંદીની ખરીદી કરવાનો આ સુવર્ણ અવસર છે.

ભારતમાં આજે સોનાના ભાવમાં 100 ગ્રામ દીઠ 2,500 રૂપિયાનો ઘટાડો થયો હતો જ્યારે શેરબજારમાં ભારે ઉછાળો આવ્યો હતો. યુએસ પ્રમુખ ડોનાલ્ડ ટ્રમ્પ દ્વારા 90 દેશો પર ટેરિફ લાદવામાં આવ્યા બાદ વૈશ્વિક બજારમાં ઉથલપાથલ વચ્ચે પીળી ધાતુ સતત 4 દિવસથી ઘટી રહી છે. વધતા જતા વેપાર યુદ્ધે રોકાણકારોના સેન્ટિમેન્ટને નુકસાન પહોંચાડ્યું છે, અને હવે વૈશ્વિક મંદીની આશંકા છે. સોમવાર, 7 એપ્રિલના રોજ, ભારતમાં 24 કેરેટ સોનાના ભાવ ફરી એકવાર 280 રૂપિયા પ્રતિ 10 ગ્રામ ઘટીને 90,380 રૂપિયા થઈ ગયા. જ્યારે ભારતમાં 22 કેરેટ સોનાનો ભાવ 250 રૂપિયાના ભારે ઘટાડા પછી 82,850 રૂપિયા પ્રતિ 10 ગ્રામ થયો.

ચાંદીમાં આવ્યો મોટો ઘટાડો
એક કિલો ચાંદીનો ભાવ 4,535 રૂપિયા ઘટીને 88,375 રૂપિયા પ્રતિ કિલો થયો છે. અગાઉ ચાંદીનો ભાવ 92,910 રૂપિયા પ્રતિ કિલો હતો. જ્યારે 28 માર્ચે ચાંદી 1,00,934 રૂપિયાની ઓલ ટાઈમ હાઈ હતી અને 3 એપ્રિલે સોનાનો ભાવ 91,205 રૂપિયા ઓલ ટાઈમ હાઈ હતો. આ વર્ષે સોનાએ અત્યાર સુધીમાં લગભગ 19% વળતર આપ્યું છે, તેથી રોકાણકારો સોનામાં પ્રોફિટ બુક કરીને શેરબજારમાં થયેલા નુકસાનને પૂર્ણ કરવાનો પ્રયાસ કરી રહ્યા છે.

જાણો સોનાનો ભાવ કેટલો છે
અમદાવાદમાં 22 કેરેટ સોનાના 10 ગ્રામનો ભાવ 82,900 રૂપિયા અને 24 કેરેટ સોનાના 10 ગ્રામનો ભાવ 90,430 રૂપિયા છે. દિલ્હીમાં 22 કેરેટ સોનાના 10 ગ્રામનો ભાવ 83,000 રૂપિયા અને 24 કેરેટ સોનાના 10 ગ્રામનો ભાવ 90,530 રૂપિયા છે. મુંબઈમાં 22 કેરેટ સોનાના 10 ગ્રામનો ભાવ 82,850 રૂપિયા અને 24 કેરેટ સોનાના 10 ગ્રામનો ભાવ 90,380 રૂપિયા છે. કોલકાતામાં 22 કેરેટ સોનાના 10 ગ્રામનો ભાવ 82,850 રૂપિયા અને 24 કેરેટ સોનાના 10 ગ્રામનો ભાવ 90,380 રૂપિયા છે. ચેન્નાઈમાં 22 કેરેટ સોનાના 10 ગ્રામનો ભાવ 82,850 રૂપિયા અને 24 કેરેટ સોનાના 10 ગ્રામનો ભાવ 90,380 રૂપિયા છે. સોનું આજે ઉપર છે કારણ કે બજાર ઘટી રહ્યું છે પરંતુ આ એક ટ્રેપ છે. આગામી દિવસોમાં સોનામાં રૂ. 10,000નો વધુ ઘટાડો થઈ શકે છે.

આ પણ વાંચો….Market Crash: નિષ્ણાતોને નોકરીઓ જવાનો, મંદી આવવાનો ડર સતાવે છે!